Ijtimoiy sohalar va inson taraqqiyoti

Аннотация

Bozor munosabatlari sharoitida ijtimoiy soha – sog’liqni saqlash, ta’lim, madaniyat, uy-joy-kommunal xo’jaligi, madaniyat, sport, turizm sohalarini rivojlantirish, aholini, ayniqsa uning nochor toifalarini  ishonarli ijtimoiy himoya qilish, mehnat muhofazasi, pensiya ta’minoti, sug’urta tizimlarini takomillashtirish muammolarini tadqiq etish zarurati iqtisodiyot fanida yangi yo’nalish – ijtimoiy soha iqtisodiyotining alohida  fan sifatida shakllanishi va rivojlanishiga asos bo’ldi.

Mazkur “Ijtimoiy sohalar va inson taraqqiyoti” o’quv qo’llanmasida iqtisodiyot fani ushbu yo’nalishining nazariy asoslari, uning shakllanishi bosqichlari, sohani tartibga solish bo’yicha jahon tajribasi, O’zbekistonda ijtimoiy yo’naltirilgan bozor iqtisodiyotini rivojlantirishning hozirgi bosqichida  mazkur sektor iqtisodiyotining  xususiyatlari bayon qilinadi.

O’quv qo’llanma ijtimoiy-iqtisodiy yo’nalishdagi oliy ta’lim muassasalarining professor-o’qituvchilari, talabalari, amaliyotchi mutaxassislar, ushbu sohaga qiziquvchi keng kitobxonlarga mo’ljallangan.