Туризм фаолиятини ривожлантиришда музейларнинг тутган ўрни.

Аннотация

            Маълумки, ҳозирги кунда мамлакатимизда туризм соҳасини ривожлантиришга катта аҳамият берилмоқда. Туризм соҳаси тубдан ислоҳ қилиниб, уни ривожлантириш учун қатор чора-тадбирлар, қарорлар, фармонлар қабул қилинмоқда. Ўзбекистон Республикаси Президентининг «Ўзбекистон Республикаси туризм салоҳиятини ривожлантириш учун қулай шароитлар яратиш бўйича қўшимча ташкилий чора-тадбирлар тўғрисида»ги 2018 йил 3 февралдаги ПФ-5326-сон Фармонини ижро этиш, шунингдек Ўзбекистон Республикаси Туризмни ривожлантириш давлат қўмитаси фаолиятининг самарадорлигини ошириш, туризм соҳасига хорижий инвестицияларни жалб қилишда унинг ролини кучайтириш, кириш ва ички туризмни ривожлантириш мақсадида бир қатор вазифалар белгиланиб берилди.[1] Статистик маълумотларга аҳамият берадиган бўлсак, 2017 йилда Самарқанд вилоятига келган сайёҳлар вилоятда турли хизматлар ва товарлар учун жами 480 миллиард сўм сарфлаган.[2] Булардан кўриниб турибдики, туризм соҳасини турли хил тармоқларини ривожлантиришга кенг имкониятлар ярата олсак, Ўзбекистонннинг туризм салоҳияти янада ортади ҳамда иқтисодиётимиз ривожида улкан натижаларга эриша оламиз.